ALING CERIA, PUMANAW NA

CALAMBA CITY - Pumanaw na sa edad na 80 si Gliceria Mujer Salgado, o mas kilala sa tawag na Aling Ceria o Ate Ceria. Inihatid ang kanyang mga labi sa Calamba Public Cemetery noong Marso 30, taong kasalukuyan.
Pinanganak noong Hunyo 15, 1927, at binuhay ang mga anak kaagapay ang kanyang asawang si Ernesto Salgado sa pamamagitan ng magaling na pagninigosyo. Mas nakilala siya dahil sa panindang isda na nakapuwesto noon sa nasunog na dating palengke ng Calamba. Laking Calamba, at ang mga kaanak ay matatagpuan sa mga Barangay ng Lingga, Palingon sa may Aplaya.
Noong panahon ng kalakasan ng kalakal sa pagbebenta ng isda, kung saan ilan sa mga ngayo’y kilala’t malalaking resetaurants sa siyudad na ito ay minsan din naging mga suki at kalimitang binibili sa kanya ay lapu-lapu at, sugpo, at mga naglalakihang alimango at alimasag.
Isang malaking kawalan si Aling Ceria lalo na sa mga kamag-anak nito sa partido ng mga Mujer. Tiningan siya bilang isang mabuting kapatid, tiyahin, lola, at kaibigan. Ani ng isang lalakeng nagpakilalang pamangkin siya ng yumao, "Sampu kaming magkakapatid," habang nasa harap ng mga dumalo sa huling araw ng burol, "at nang magkadiperensiya ang tatay ko siya (Aling Ceria) ang tumulong sa amin."
Naging isang modelong ina sa karamihan at sa kanyang pagpanaw ay marami ang mangungulila sa kanyang kabutihan at kababawan ng kalooban.
Ipinakita niyang hindi sagabal ang kahirapan basta’t nagkakaisa at nagdadamayan ang buong pamilya. Ani nga ng paring nagbigay ng huling basbas kay Aling Ceria, "Dalawang bagay ang iniwan sa atin ng ating kapatid na si Gleceria. Una ay alaala at ang pangalawa ay paalala." Ipinaliwanag ng pari na ang mga kabutihan at kagandahang asal na ipinakita at ipinadama ni Aling Ceria sa mga taong naging bahagi ng buhay niya ay siyang magsisilbing alaala sa mga naiwan. Habang ang paalala ng kanyang pagpanaw ay isang palaala "tayong lahat ay doon din ang patutunguhan, sa kaharian ng Diyos. Kung kaya ang paalala sa bawat isa sa atin na nandito ay kung anumang kabutihan at tulong na maibibigay natin para sa ikabubuti ng ating kapwa ay gawin na natin ngayon pa lang."
Habang inilalakad si Aling Ceria patungong simenteryo, maraming sa mga nakamasid ay nagulat nang makita nilang si Aling Cercia ang inihahatid sa huling hantungan. Sa dalawang naulila ni Aling Ceria na anak na babae, tanging nais nila’y manatiling buhay sa puso at isipan ng bawat taong naging bahagi ng buhay ng kanilang ina at ipamalas sa iba ang mga katangiang ipinakita at ipinaramdam ni Aling Ceria sa kanila. (ARJAY SALGADO).

LAGUNA UNVEILS AGRICULTURAL TRADING CENTER

STA. CRUZ - The Provincial Government of Laguna headed by Governor Teresita “Ningning” S. Lazaro through the Office of the Provincial Agriculturist led by Mr. Marlon P. Tobias has unveiled the Laguna Agricultural Trading Center (LATC) located at Brgy. Lamot II in Calauan, Laguna. This was recently launched last March 9, 2008 in partnership with the Department of Agriculture (DA) Region IV-A.
The LATC will serve as the drop-off point for all the harvested fruits and vegetables from the different cities and municipalities in the whole province. Through the trading post, farmers will now have a chance to market and sell their produce thereby increasing their profits.
The opening was warmly welcomed by the farmers and guests who were filled with enthusiasm the moment the trading post was inaugurated. In support of the LATC, the farmers even brought their yield to the venue. Also present during the affair were the representatives from the DA – Technology Generation; Agribusiness and Marketing Assistance Service; and Agribusiness and Marketing Assistance Division, - all partners of the Provincial Agriculturist. They were instrumental in inviting the buyers and consumers from Metro Manila and nearby provinces. This is also to inform them that Laguna has now a trading center for agricultural products. Aside from the DA representatives, guests from institutionalized buyers like Dizon Farms, Guaranfood Corporation, and other vegetable suppliers also arrived as they bought some products they will transport to Metro Manila. Also present during the affair were the officers and members of the Laguna Vegetable Industry, the Provincial Agricultural and Fishery Council, the Municipal Agriculturist, the Technicians from the different local government units, and the Municipal officials of Calauan.
“Through this facility, Laguna will now be known for its agricultural products which are affordable yet high in quality. This will paved the way for our province bid to be the regions’ food basket. Indeed, the Provincial Government’s Sulong Agrikultura program is bearing fruits since the objectives in achieving food sustainability are now being realized,” Gov. Lazaro stressed. (LAGUNA PROVINCIAL PIO/CHRIS SANJI)

RESCUE TRAINING SEMINAR IDINAOS

Los Baños – Idinaos ang kauna-unahang Rescue Training Seminar noong ika-27 ng Marso taong kasalukuyan Brgy. Baybayin, Los Baños Laguna na dunaluhan ng kanilang mga residenteng may pusong matulungin at handang magserbisyo sa kanilang kapwa. Si Ginoong Aristeo Rallos, Municipal Disaster Coordinator at Volunteer nag Philippine National Red Cross Rescue Team ang kanilang naging taga-pagturo. Layunin ng seminar na ito ang pagtuturo ng tamang pagbibigay nag paunang lunas sa mga naging biktima ng anumang uri ng aksidente. Ayon kay G. Rallos ang training seminar na ito ay iikot sa bawat barangay na nasasakupan ng Los Baños bunsod sa kahilingan at kagustuhan ni Hon.Mayor Ceasar Perez. Naisakatuparan ang proyektong ito sa pamamagitan ni Kgg. Albert A. Cornejo, Kapitan ng nabanggit na barangay at mga konsehales na sina Kgg. Toalfrael "Kakay" Consulta, Kgg. Josephus U. Baes, Kgg. Joseph Malayabas, Kgg. Angeline Silva, Kgg. Arthur M. Ebron, Kgg. Amelia M. Biscante, Kgg. Eric P. Ebron at SK Chairman Niel P. Soriano. (ROY DIMASACA / LLOYD ANJAIL)

SULONG NEWSPAPER NASA INTERNET NA

CALAMBA CITY - Ikinagalak ng maraming mga taga-subaybay at tumatangkilik sa pahayagang SULONG ng ihayag ng pamunuan nito ang pagbubukas ng kanilang Web Site sa Internet, ang SULONG News Online kung saan mababasa na ang mga pinakahuling kaganapan sa Laguna.
Sa ngayon, araw-araw ay updated ang mga balita lalo na sa balitang pulis na kung saan ang PNP PRO-4A PIO ay halos araw-araw nagpapadala ng mga balita mula sa kanilang tanggapan. Umaasa naman ang pamunuan ng SULONG na maging aktibo din ang ilang mga munisipalidad at siyudad na magpadala ng kanilang mga nais iulat sa mga taga-Laguna.
Ang SULONG Online ay pinalolooban ng mga sariwang balita na masugid na kinakalap ng News Team nito, habang nakalathala din ang mga inaabangang mga artikulo mula sa mga kolumnista. Mas lalong ginawang interactive ang pahayagang SULONG dahil may Online na Suggestion Box dito kung saan puwedeng magbigay ang isang mambabasa ng kanyang suhestiyon, opinyon, puna, o di kaya’y pagbati sa pamamagitan ng Email o direkta mula sa SULONG Online.
Sinamahan pa ng Chat Box kung saan, online at realtime puwedeng makipag-palitan ng kuro-kuro ang mga mambabasa. Meron din mapagkakalibangan na mga video clip mula sa YouTube, at inuumpisahan na din ang paglalagay ng Online Music/MP3 Player upang mas makapaghatid kasiyahan sa lahat ng mga bibisita at tumatangkilik sa pahayagang SULONG.
Ito na marahil ang isa sa mga pinaka-ambisyosong balak ng SULONG News Team. Ang makapagawa ng isang Medium na kung saan magiging accessible hindi lang sa mga taga-Laguna, pati na rin sa buong Pilipinas at kasama na din ang mga Pilipinong nasa ibayong dagat.
Sa kasalukuyan ay nasa development stage pa ang nasabing Web Site ng SULONG sa pamamagitan ni Arjay Salgado, na siyang nagkunsepto at nagbuo ng nasabing proyekto. "We are trying to set a benchmark in local media," ani ni Salgado, "especially sa print, kung saan mas maraming medium na ganito ang nandito sa Laguna." Buong pagmamalaki niyang sinabi na tanging ang SULONG sa ngayon ang may ganitong uri ng pamamahayag. "it’s not just letting the readers read the news, nais namin silang ma-entertain at the same time maging interactive ang aming pahayagan." dagdag nito.
Inaashan naman na matatapos ang kabuuan nito ngayong buwan ng Abril. Samantalang umani na ng paunang paghanga sa nasabing pahayag sa internet ang ilan sa mga matataas na opisyales ng gubyerno, maging sa lokal at sa nasyunal. Pahayag nga ng isang manager ng isang telecommunication company "Your newspaper has gone a long way, it’s looking better. keep it up." Umaasa na din ang pamunuan ng SULONG Newspaper na sa pamamagitan ng Online Version ng kanilang pahayagan ay mas lalong makapaghahatid ng impormasyon sa mas maraming tao at higit sa lahat ay mas makakatulong ng malaki sa mga negosyo sa pamamagitan ng promotions sa mas malawak at makabagong aspeto ng pamamahayag. (SULONG News Team)

HALAL NA BARANGAY OPISYAL, NAG-SEMINAR

CALAMBA CITY - Nagsagawa ang Department of Interior and Local Government (DILG) Provincial Office ng isang pagsasanay na pinamagatang " Enhancing the Proficiency of Barangay Newly Elected Officials (NEO) in Barangay Governance ." para sa mga Barangay ng Calamba noong Marso 11-12,13-14 at 25-26, taong kasalukuyan sa Montevista Resort , Pansol, dito sa naturang lunsod.Pinangunahan ito nina Kgg.Turrne Lajara, Liga ng mga Barangay President; Melody M. Barairo, DILG Cabuyao; Myra Carmina Q. Arcelo, Team Approach on Coordinated Task (TACT) 2 Operation Center Officer II; Teodorica G. Viscara, DILG Provincial Director; Loida V. Vista, Officer II ng DILG Provincial Office Officer II; Raysen Banasihan Estabillo, DILG TACT Laguna Operation Center Officer II; Tirso Laviña, DILG-Calamba; Lorilyn V. Marique DILG- Bay ang pagtalakay sa mga pangunahing isyu ng Pamahalaang Pambarangay. Kasama na dito ang Barangay under Local Government Code of 1991, Development Planning, Basic of Barangay Legislation at Barangay Finance. Dinaluhan ito ng mga Barangay sa cluster 1 tulad ng Banlic, Barandal, Batino, Canlubang, Halang, Lingga, Looc, Makiling, Mapagong, Masili, Mayapa, Pansol, Tulo, Barangay 1, San Cristobal at Paciano Rizal. Cluster 2 ay mga Barangay ng Bagong Kalsada, Bucal, Bunggo, Camaligan, Hornalan, La Mesa, Mabato, Majada Labas, Palo Alto, Prinza, Punta , Sirang Lupa at Brgy. IV. Sa cluster 3 ay mga Barangay ng Banadero, Bubuyan, Burol, Kay-Anlog, Laguera, Lawa, Lecheria, Maunong, Palingon, Parian, Puting Lupa, Real, Saimsim, Sampiruhan, San Jose, San Juan, Sucol, Turbina, Ulango, Uwisan, Brgy. II, III, V, VI, at VII. Ayon kay Kagawad Hermognes B. Molinyawe ng Brgy.V "Maganda ang pamaraan, yun talaga ang dapat gawin pero dapat i-shoulder ng city government ang gastos, kailan lalabas ang budget kapag ba panahon lang ng election?"
"Ayos naman at patuloy na lumalaganap ang aming kaalaman" ayon naman kay Kagawad Jaime Justo ng BRGY. VII. Si Molenyawe na Committee Chairman ng Peace and Order sa kanilang barangay ay isinusulong ang katahimikan sa pamamagitan ng pag-iilaw sa mga poste, paghiling sa Police visibility at koordinasyon sa ilang mga Barangay para masawata ang kanilang problema sa snatching incidents. Ang seminar ng cluster 3 ay dinaluhan ng mahigit 200 na mga halal at appointed na opisyales ng barangay. (JO BUSAYONG)

TRANSCO SLOM BREAKS IN BARANGAY GENDER BIASES

"Who can find a virtuous woman? For her price is far above rubies...Give her the reward she has earned, and let her works bring her praise at the city gate." Proverbs 31:10, 31.
Fresh from the recently held Gender and Development (GAD) trainer’s training in Bagac, Bataan, the SLOM budding trainers conducted a basic Gender Sensitivity Training (GST) among rural women of Barangay Haligue Silangan, Batangas City last March 11-14, 2008.
The GST inspired the 31 rural women and served as their driving force as they learn and participate in the two-day livelihood training on making Dehydrated Fruits/Vegetables and Can-dies sponsored by TransCo SLOM and in partnership with Nego-Skwela.
This type of training was specifically requested by the members of Kapit-Bisig Women’s Organization (KWO) that was immediately responded by TransCo SLOM Corp. Communication Group (CCG). Having this purpose, CCG coordinated with Ba-tangas DSWD for endorsement of KWO to support the organization with financial assistance in putting up a sustainable small-scale business enterprise after the training.
TransCo believes that when people are enlightened and became open, what was once unimaginable suddenly becomes possible. This is the power of learning and information awareness - what people do not know deprives them access to power. People move when they know what to do with someone teaching them the right way to do and where to go through. (Anna Kathrina Nava)

SEN. GORDON PINALAKAS ANG LOOB NG MGA LAGUNENSE

STA. CRUZ - Sa kabila ng pangyayaring typhoid outbreak sa Calamba City, nagbigay ng isang magandang mensahe para sa mga Lagunense si Senador Richard J. Gordon ng siya ay dumalo sa pagdiriwang ng Anilag Festival na ginanap kamakailan sa Capitol Compound sa bayang ito. "When we had SARS, we visited Baguio together with my wife to prove to the world that our summer capital was SARS free. Since the outbreak of typhoid in Laguna, we have visited it more than once and continue visiting it until we prove that it has overcome a serious threat to it’s tourism industry. We are fully confident that with the Provincial Government’s speedy action, continued vigilance, and effective remedial efforts, Laguna will beat typhoid and reassert itself as the country’s premiere resort and spa capital" wika ni Sen. Gordon ang kanyang mensaheng ito ay nagpalakas ang loob ng mga Lagunense upang mapagtagumpayang harapin ang mga problema at pagsubok na dinanas.
Ang Philippine National Red Cross sa pamumuno ni Gordon ay nagpaabot nag tulong sa mga apektadong barangay katulong ang mga provincial authorities sa pamumuno naman ni Gov. Teresita "Ningning" S. Lazaro. Sa pag-iikot ng senador nakita niya ang hirap na kalagayan ng mga pasyente dahil sa kakulangan ng mapapaglagyan ng mga may karamdaman, agad nitong ipinag-utos ang paglalagay ng 100 bed capacity tent na mula sa Red Cross sa pakikipagtulungan ng mga Army Reserve, the Philippine Air Force and the Philippine National Police. Nakipagtulungan ang mga kawani ng PNRC sa loob ng 24 oras at naglaan din sila ng 20 bag ng dugo sa JP Rizal Hospital. Naglaan din sila ng ambulansya upang magamit para sa pagdadala ng pasyente sa mga hospital. (Iryn Panisan / ROY M. DIMASACA)

TAGUMPAY NG SAN PABLO SA ANILAG 2008

SAN PABLO CITY - Masayang iniulat ni Gng. Nercy Sahagun Amante, Unang Ginang ng Lunsod, at Chairperson ng Executive Committee sa paglahok ng lunsod sa pagdiriwang, na muling umani ng tagumpay ang Lunsod ng San Pablo sa katatapos na ANILAG Festival 2008 na itinaguyod ng Pangasiwaang Panglalawigan ng Laguna.
Ayon sa Unang Ginang, tinanghal na Binibining Laguna 2008 si Bb. Rodhalyn Pessina ng Barangay Sto. Niño, samantalang 2nd Runner-up si Bb. Francheska Mica Villapando ng Barangay San Vicente.
Nakuha ni Bb. Lea Maria Hernandez ang unang karangalan sa Amateur Singing Contest (Open Division). Natamo rin ng mga kinatawan ng lunsod ang ikalawa at ikatlong karangalan sa Dance Showdown Competition. Ang nagwagi ay ang Exclusive Terrorranger at ang Philippine Pirates Dance Groups, gaya ng pagkakasunod.
Sa Booth and Star Quest Competitions ay parehong nakamit ng San Pablo City ang ikatlong pwesto o ang pagiging second runner-up.
Sa Best Tourism Establishments Category, ay natamo ang mga sumusunod: Total Gas Service Station sa Barangay San Rafael , Best Gas Service Station; Maria Paz Resort sa Barangay Sta. Filomena, Best Resort; at Coco Palace Hotel sa Barangay San Francisco, Special Recognition.
Kinilala rin si G. Blairwin Ortega bilang Outstanding Youth of Laguna at si G. Alex Cortez bilang Outstanding Artist ng Laguna.
Lubos ang naging kasiyahan nina Mayor Vicente B. Amante at Unang Ginang Nercy Sahagun Amante, dahil sa muling napatunayan na ang Lunsod ng San Pablo ay hindi pahuhuli sa anumang larangan ng paligsahan na umaalinsunod sa itinatagubilin ng batas na nagsusulong ng pagpapaunlad sa larangan ng sining at kultura na iniaatas ng Batas Republika Bilang 7356. Gaya ng laging namumutawi sa mga labi ni Mayor Vicente B. Amante "San Pablo City Laging Umaa-bante!" (San Pablo CIO-Jonathan S. Aningalan)

121,409 TRABAHO AT PHP 70.715M KITA NAITALA

CALAMBA CITY - Iniulat kamakailan ng Department of Trade and Industry (DTI)sa Calabarzon na ang mga small, at medium enterprises (MSME) sa nasabing rehiyon ay nakapagtala ng Php 14.896 billion sa domestic investments, Php 70.715 million sa domestic sales, $2.369 million sa exports, at nakapagbigay sa 121,409 katao ng hanap-buhay noong taong 2007.
Ang DTI ang nakatulong ng Php 50.478 million MSME na puhunan sa pamamagitan ng business matching, loan facilitation at financing forums. Karagdagan dito, Php 14.845 billion na puhunan ay naitala sa business registration records, na sa ngayo’y umaabot na sa Php 14.896 billion ang domestic investments sa rehiyon noong 2007.
Sa pagkakaroon ng pinahusay na mga produkto kasama na ang pinagan-dang packaging, ang DTI ay nagsaayos ng product, packaging and labeling design at development clinics, at ang pinaka-mahalaga ay ang pagbubuo at pagsasa-ayos ng mga trade fairs, selling missions, market & business matching activities na siyang lalong nagpakilala sa mga entreprenyur na maging exposed sa mas malawak na merkado, na nagresulta ng Php 70.715 million sa domestic sales. Ang pinaka-mabenta sa mga isinagawang trade fairs ay ang mga processed foods, furniture, mga pang-regalo, housewares at holiday decors. Gifts, housewares and holiday decors (GHHD), handmade paper, lambanog, at mga productong mula sa niyog (virgin coconut oil, coco jam) na nakapag-bigay sa Calabarzon ng kita sa export sales na $2.369 million, kung saan ang USA at Japan ang naging pangu-nahing merkado.
Samantalang, iniulat din ng DTI na 4,545 na bagong trabaho ang nabuo sa ilalim ng SME Development Program habang ang mga business name registration records ay nagtala ng 116,864 trabaho an umabot sa kabuuang bilang na 121,409. Ani Marilou Quinco-Toledo, Regional Director ng DTI sa CALABARZON na ang iba’t-bang mga programa, proyekto, at gawain ng Provincial at Regional Offices ay nakatuon sa pagsusulong at pag-papalawig sa sektor ng Micro, Small at Medium Enterprise (MSME).
Batay sa 1999 National Statistics Office (NSO) data, ang sektor ng MSME ay bumubuo sa 99% ng pangkalahatang bilang ng mga ne-gosyong nagi-empleyo ng 70% mga manggagawa sa buong bansa at kabilang sa 60% ng exporter sector, kung kaya tinitingnan ito bilang mahalagang contributor ng economic development ng bansa.
"Ang One Town, One Product (OTOP) Program sa pakikiisa sa ahensiya ng gubyerno, LGU at ng business community ay ang pangunahing programa ng DTI upang paunlarin at palakasin ang sektor ng MSME partikular na sa community-based enterprises na nakakapag-sulong ng economic activities sa mga probinsya" ani Toledo.
Idinagdag pa ni Toledo na ang OTOP ay pangunahing programa ni H.E. Gloria Macapagal-Arroyo upang makapag-bunga ng karagdagang hanap-buhay at maiahon ang bawat Pilipino sa kahirapan. Ang OTOP ay itinulad ng Pilipinas sa One Village, One Product Movement ng bansang Hapon na siyang nagpasigla sa ekonomiya ng mga rehiyon ng Oita Prefecture at ng Kyushu. (Charlie S. Dajao/Information Officer DTI RIV-A/ARJAY SALGADO)

PINAKAMALAKING UBE HALAYA ITINAMPOK SA ANILAG

STA. CRUZ - Muli na namang naitampok ang lalawigan ng Laguna sa pamumuno ni Gob. Teresita S. Lazaro nang ilunsad nitong Marso 14, 2008 ang Pinaka-malaking Ube Halaya sa Kapitolyong Panlalawigan sa bayang ito, na tinaguriang kabisera ng lalawigan. Ang nabanggit ay isa sa mga highlights ng isang-linggong AniLag Festival na ginanap noong Marso 9 hanggang 16, taong kasalukuyan. Ang AniLag Festival ay nasa ika-apat na taon na nagawaran din ito ng parangal ng Kagawaran ng Turismo bilang Philippines’ Best Tourism Event sa Provincial Category.

Ipinalabas ang nabanggit sa GMA network sa morning program nito na Unang Hirit sa pangunguna ng TV hosts na sina Eagle Riggs at Drew Arellano. Umabot naman sa 1,000 kg ang dessert na ipinakita sa publiko. Ang korteng tilapia na ube na may sukat na 2 hanggang 4 na pulgada na inilagay sa mesa na may sukat na 24 by 16 ft. Ang mga sangkap na ginamit ay ang mga sumu-sunod; 698 kgs ng ube, 358 kgs ng gabi, 26 kgs ng cassava, 719 kgs ng puting asukal, 374 lata ng condensed milk, 174 lata ng evaporated milk, 39 pcs ng butter, at 45 pcs ng dairy cream. Ipinamigay naman at ibinahagi ito sa mga manonood pagkatapos maiprisinta sa publiko.
Kabilang sa mga dessert makers na nagtulong-tulong upang magawa ang malaking delicacy ay ang 4 Angels Special Ube Halaya ng Calamba City; D’Becina Ube Halaya, Tentay and Idang Ube Halaya, at Ro-malyns Special Ube ng San Pablo City; Miña Ube Special, Glo-Mars Food Pro-ducts, at Edna’s Special Ube ng Nagcarlan; at Ludy’s Sweet Products ng Siniloan. (LAGUNA PIO)

“SEASONED CITIZENS” PASISIGLAHIN

CALAMBA CITY - Nagagalak na ibinahagi ni Josefino B. Melgar Sr., pinuno ng Calamba City Federation of Senior Citizens Association, Inc. (CALCIFESCA) ang mga programa ng nasabing samahan para sa mga "Seasoned Citizens" sa taong ito.
Sinabi ni Melgar na ang mga programang inihanay ng samahan ay naglalayong bigyan pagkakaabalahan ang mga "Seasoned Citizens" sa siyudad na ito.
Ang pagkakaroon at pagtatayo ng kooperatiba "multi-purpose cooperative" ay isa lamang sa mga programang nais pasimulan sa taong ito."
Sa pamamagitan ng kooperatiba ay may matatakbuhan ang mga "Seasoned Citizens" o "Senior Citizens" sa kanilang pangangailangan sa murang halaga. Isa din sa pakinabang na maidudulot ng nasabing proyekto ay ang makukuhang kita ng bawat miyembro mula sa interes sa tinubo ng mga pinagbentahan.
Isa pa sa mga programa ng samahan ay maglalayong pasiglahin ang panglipunang aspeto o "social life" ng mga "Seasoned Citizens" ay sa pamamagitan naman ng pagkakaroon ng "leisure, at entertainment activities" tulad ng billard at bowling tournaments. Gayon din ang mga gawaing kultural at medical and dental missions.
Tunay nga ang mga nabatid na mga programa ay makatutulong ng malaki sa ating "Seasoned Citizens" upang patuloy pa nilang mapaunlad ang kanilang mga sarili sa lahat ng aspeto ng kanilang buhay.
Ang lalo niyang binigyan diin ay ang pagpapatibay sa buklod ng samahan na inaasahan na makapagdu-dulot ng lalong biyaya na buhat sa iba’t ibang sector ng lipunan at gayon din ng mapagkalingang pamahalaan ng Lungsod ng Calamba.
Ang mga proyektong may kaugnayan sa paligsahan ay pasisimulan sa madaling panahon kung kaya’t bini-linan ang lahat ng mga pangulo ng mga Chapter sa Lungsod na magsipaghanda para sa mga nasabing programa. (ED SACOPLA)